my poem in assamse

''পূৱ দেশৰ সেই গোলাপজোপা''

xxxxxxxxxxxxxxxxxxxxxxxxx

নীলা অম্বৰৰ তলত

ধৰাৰ সুকোমল সাৰুৱা বুকুত

কাঁইটিয়া গছৰ মাজে মাজে

বতাহৰ তালে তালে

নাঁচি নাঁচি সুবাসিত কৰা

প্রেম সিচৰিত পাঁহি ভৰা গোলাপ তুমি৷

তোমাৰ সতে নিবিৰ বন্ধুত্ব 

হাতৰ মুঠিত নতুবা চার্টৰ তলত

মাজে মাজে বিচৰণ আছিল তোমাৰ

তোমাৰ কাঁইটিয়া ধেমালিত

আঙুলিত আঁচৰ, চার্ট ফটা

সাধাৰণ যেনহে আছিল৷

জীৱনৰ প্রৱাহমান নৈত উঠি

সাগৰৰ কাষ পাইছোহেঁ

মোৰ বাট আই নৈৰ দৰে পৰিবর্তন হল

অভিমানী সাগৰেও হাতবাউলি নিদিলে

সাগৰৰ অনুভৱত সময় গল৷

তুমি ভাল নলগা হলা

তোমাৰ কাঁইটো শত্ৰু হল

যেনিবা মোৰ কাষত তুমি মূল্যহীন৷৷

স্মৃতিৰ দলংখন উন্নত হল

মোৰ বাট সলনি হল৷

তোমাৰো অস্তিত্ব নোহোৱাৰ দিশে,

এদিন মানাহৰ বুকুত বিলিন হবা

ক্ষন্তেকৰ শত্ৰু যদিও

আজীৱনৰ বন্ধুত্ব

পূৱ দেশৰ তুমি সেই গোলাপজোপা৷৷

                                     

                                       @মসাৰফ